Philippians 3

1Taabalaa mι-taa ɛhʋlʋmι se mι nɛ kιpaɣlʋ ιkpɛndaa .Pιιcɛyιɣ-m se mantasι-mι maʋtʋm ndʋ . Mbʋ pʋyɔɔ yɔ , tιkɛnιmι wazιtʋ . 2Ikpa mι-tι nɛ tʋmlaɖas kιdɛkɛdaa , pɛkɛ hasι sʋsɔsιι nɛ patιpɛlι-wɛ siŋŋ . 3Mbʋ pʋyɔɔ yɔ , ɖɛkɛnι mba pɛpɛlι-wɛ siŋŋ yɔ , pιtɛkɛ mba . Ɛsɔ kalιzaɣ yɔɔ pιtιŋɣna nɛ ɖιluŋuu ɛ-tɛɛ nɛ ɖιkʋndʋʋ-nι krιstʋ Yesu . Ɖιιtaɣ tomnaɣ yɔɔ liu .

4Ma ɖɔɖɔ manpιsaɣ se mantaa ma-maɣmaɣ man-tι . Ye nabɛyɛ ɛmaɣzιɣ se papιzιɣ pataa pa-maɣmaɣ .pa-tι liu yɔ , mɛwɛnι waɖɛ nɛ pιkιlι wɛ . 5Palʋlι-m nɛ kιyakιŋ lutoozo wiye lɛ , pɛpɛlι-m . Mɛnkɛ Izrɛɛlι tʋ , palʋlι-m bɛnjamɛɛ lide taa . Mɛnkɛ Hebree tʋ ,Ebree ñιma lʋlιnι-m . Mɔnɖɔŋaɣ Farisι ñιma paɣtʋ yɔɔ .

6Maawɛ Krιstʋ ɛgbɛyɛ taa ñιma wayι kaŋ-kaŋ .Nɛ natʋyʋ feyι se paawanι-m paɣtʋ yɔɔ ɖɔm yɔɔ . 7Ɛlɛ mbʋ pιιkɛnι-m kasιwa yɔ , mankpakιɣ-pʋ lɛɛlɛɛ yɔ se pʋɖʋzι-m krιstʋ yɔɔ

8Halι mankpakιɣ pι-tιŋa payι se pʋɖʋzι-m mbʋ pʋyɔɔ yɔ manaʋ man-kιpaɣlʋ krιstʋ Yesu yɔ , pιkιlι -m wazaɣ pιtιŋa payι . 9Malakι mbʋ se ma nɛ-ι ɖιwɛɛ ɖama taa . Ye mbʋ , pιtɛkɛ paɣtʋ yɔɔ ɖɔm yebina nɛ manpιsι ɛyʋ kʋtʋʋzʋ . Ɛlɛ mɛwɛnι lidaʋ Krιstʋ Yesu yɔɔ ,yɔɔ manpιsι ɛyʋ kʋtʋʋzʋ . 10Mbʋ meliu wɛɛ yɔ lɛ se :Matιlι Krιstʋ nɛ mana eɖoŋ weyi efemnaa yɔ ,nɛ mɔtɔɔ kʋñɔŋ ŋgʋ ɛtɔwaa yɔ nɛ mansι ɛzι ɛnʋ yɔ , 11nɛ pʋwɛɛ yɔ Ɛsɔ kefezi-m ɖɔɖɔ sιɖaa taa .

12Maatɔŋ se mɛntɛm hiɣu pιtιŋa payι , yaa mɛntɛm kɛʋ weyi ɛmʋnaa yɔ . Ɛlɛ mɛwɛɛ mañakι pana se maatalι nɛ mamʋ kιhɛyʋʋ . Mbʋ pʋyɔɔ yɔ Krιstʋ Yesu tem-m mʋʋ. 13Koobiya ma-maɣmaɣ maa tɔŋ se mɛntɛm talʋʋ nɛ mamʋ man-kιhɛyʋʋ .Ɛlɛ pʋyʋ kʋɖʋm weyi malakι yɔɔ lɛ se :Mɔnsɔʋ mbʋ pιtɛm ɖɛʋ yɔ pʋyɔɔ nɛ piyele mɔnɖɔɔnι mbʋ pʋwɛnι ɛsιndaa yɔ . 14Pʋ-yɔɔ malʋkιse mantalι tιnaɣ yɔɔ nɛ mamʋ kιhɛyʋʋ ŋgʋ Ɛsɔ tιŋnι Krιstʋ Yesu yɔɔ nɛ ɛyaa-ɖʋ se ɖιmʋ yɔ .

15Mba ɖa ɖιtɛm kɛʋ mba pamʋnaa yɔ , ɖιιmaɣzιɣ mbʋ . Ɛlɛ ye nabʋyʋ taa mι-lιmaɣza ɛwɛ ndι yɔ , Ɛsɔ wιlιɣ-mι mbʋ pιkɛ toovenim yɔ. 16Mbʋ pʋwɛɛ yɔ lɛ se : Ɛsɔ nʋmɔʋ ŋgʋ kιtaa ɖιɖɔŋ yɔ ,ɖιwɛɛ kιtaa mbʋ .

17Kooyiyaa ιla ɛzι malakʋʋ yɔ .ιcɔnι mba pɔɖɔŋ lidaʋ nʋmɔʋ taa ɛzι ɖa yɔ nɛ ιɖɔ mbʋ . 18Toovenim lɛ ,tɔm ndʋ manpam-mι heyuu yɔ , ndʋ mantasιɣ-mι heyuu nɛ ɛzιtɛɣlιm . Ndʋ lɛ se : Ɛyaa sakιyɛ wɛɛ nɛ pɔ-ɖɔnɛ wιlιɣ se pɛkɛ kaamaŋkaɣ koyindinaa . 19Ɛyaa mba pɛtɛŋnι lebu , mbʋ pʋyɔɔ yɔ , po-lotu lɛ pɛ-ɛsɔ . Mbʋ pιιwɛɛ se pιkpa-wɛ fɛyɛ yɔ ,papιsaa pakʋndʋʋnι-pʋ nɛ pamaɣzιɣ mbʋ pʋwɛ kedeŋa yɔɔ yɔ pʋyɔɔ ɖeke .

20Ɖa lɛ , ɖιkɛ ɛsɔdaa kewiyaɣ taa ñιma . Peeye ɖιɖaŋ nι krιstʋ Yesu se ɛkɔɔ ɛya ɖa-ñʋʋ. Ɛnʋ kɔŋnι lɛɣzʋʋ ɖo-tomnaɣ ŋga ɖιwɛnι kedeŋa yɔɔ cιnɛ yɔ nɛ kapιsι koboyaɣ ñιŋga ɛzι ɛ-ñιŋga yɔ .E-ɖoŋ weyi ɛwakιnι pιtιŋa payι yɔ ɛlakιnι mbʋ .

21